"Манчестер Сити" "Милан" ярим ҳимоячиси Тиджани Рейндерс бўйича илк таклифни тайёрламоқда.
Нидерландиялик футболчи "шаҳарликлар"нинг яқинлашиб келаётган трансферлар ойнасидаги асосий мақсадларидан бирига айланди. Журналист Руди Галеттининг ёзишича, инглиз гранди 26 ёшли футболчи учун тахминан 60 млн евро таклиф қилади. Бироқ, "россонерилар"ни бундай сумма қониқтирмаслиги кутилмоқда, чунки хавбек яқиндагина 2030 йилгача мўлжалланган янги шартнома имзолаган.
Тиджани Рейндерснинг ҳисобида жорий мавсумда "Милан" сафида барча мусобақаларда 52 та ўйинда 15 та гол ва бешта ассист бор. Transfermarkt экспертлари футболчининг нархини 50 млн еврога баҳоламоқда.
