"Милан" сафида ижара асосида тўп тепаётган ҳужумчи Тэмми Абрахам тез орада "Рома"га қайтади.
Инглиз мавсум якунлангач, "россонерилар" сафида ўйнашни давом эттирмайди, дея хабар бермоқда инсайдер Николо Скира ўз ҳисоботида. Ҳужумчи янги кампанияни "Рома" таркибида бошлайди, аммо мавсумлар оралиғида яна жамоасини ўзгартириши мумкин - кўп нарса "бўрилар"нинг бўлажак режаларига боғлиқ бўлади.
Тэмми Абрахам барча мусобақаларда "Милан" сафида 44 та ўйинда майдонга тушиб, ўнта гол урди ва еттита голли узатмани амалга оширди. 27 ёшли футболчининг "Рома" билан меҳнат шартномаси 2027 йилнинг июнь ойи охиригача мўлжалланган.
