"ПСЖ"ни бошқараётган испаниялик Луис Энрике Карло Анчелоттининг Бразилия терма жамоаси бош мураббийи этиб тайинланиши ҳақидаги фикрлари билан ўртоқлашди.
65 ёшли италиялик мавсум якунида "Реал"ни тарк этади ва 26 май куни Бразилия терма жамоасида иш бошлайди.
"Менимча, Анчелотти каби унвонлар рўйхатига эга бошқа мураббий йўқ. У майдонда ва унинг ташқарисида жентлмен. Мен Бразилияга муваффақият тиламайман, чунки жамоам футболчилари муваффақиятга эришишини истайман. Италиялик муваффақиятли мураббийнинг Бразилиядек афсонавий жамоани бошқараётгани қувонарли. Ишончим комилки, бу комбинация жуда ижобий бўлади," - дея Энрикенинг сўзларини келтиради Mundo Deportivo.
