"Ливерпуль" ҳужумчиси Муҳаммад Салоҳ клуб мухлисларига эътироз билдирди. Мисрлик футболчининг сўзларига кўра, унга мухлисларнинг Трент Александр-Арнольдга ҳуштак чалиши ёқмаган. Яқинда "Ливерпуль" тарбияланувчиси Трент клубни тарк этишга қарор қилганини эълон қилди. Футболчи "Реал" таркибини тўлдириши кутилмоқда.
"Трентга ҳуштак чалиш? Мен ҳайрон бўлдим, чунки биз, "Ливерпуль" мухлислари бундай муносабатда бўлмаслигимиз керак. Бундай бўлмаслиги керак ва умид қиламанки, кейинги ўйинларда ҳаммаси ўзгаради. Трент энг яхши хайрлашувга лойиқ," - деди Салоҳ Sky Sports'га.
