Тарихда биринчи марта океандаги очиқ оролдан келган клуб Европа мусобақаларида иштирок этади. Бу Португалиянинг "Санта Клара" клуби бўлади.
Жамоа Португалия чемпионати турнир жадвалида бешинчи ўринни эгаллади, бу эса Конференциялар лигаси саралашида ўйнаш ҳуқуқини беради.
"Санта-Клара" қозоғистонлик "Актобе" ёки "Астана" билан ўйнаши керак бўлиши эҳтимоли бор. Бунда португалияликлар ва уларнинг рақиблари бир ҳафтада 16200 км масофани босиб ўтишлари керак бўлади.
Бу саёҳат Европа мусобақалари тарихидаги энг узоқ сафарлардан бири бўлади.













