Германиянинг “Штутгарт” клуби ярим ҳимоячиси Анжело Штиллер Испания футбол гигантида ишлаш имкониятига эга. Todofichajes портали хабарига кўра, "Реал Мадрид" 24 ёшли ярим ҳимоячи билан шартнома имзолаши мумкин.
Манбага маълум бўлишича, Штиллер номзодини "Лос-Бланкос"нинг собиқ футболчиси Тони Кроос шахсан тавсия қилган. Анжелонинг трансфер қиймати 38 миллион еврога баҳоланмоқда ва унинг "Штутгарт" билан шартномаси 2028 йилнинг ўрталарига қадар мўлжалланган.
Германия чемпионати якунланган мавсумида ярим ҳимоячи 32 та ўйинда майдонга тушди. Штиллер битта гол урди ва саккизта голли узатмани амалга оширди.
