"Севилья"нинг икки футболчиси "Реал"га қарши ўйинда майдондан четлатилди.

Ла Лиганинг 37-турида "Севилья" ўз майдонида "Реал"ни қабул қилмоқда (0:0, иккинчи бўлим).

12-дақиқада "қаймоқранглилар" ҳужумчиси Килиан Мбаппе мезбонлар дарвозаси томон яккама-якка югуриб борди ва Лоик Баде унга нисбатан қўполликни амалга оширди.

Бош ҳакам Матео Бускетс ВАР текширувидан сўнг ҳимоячига тўғридан-тўғри қизил карточка кўрсатди.

46-дақиқада "Севилья" ҳужумчиси Исаак Ромеро захирадан майдонга тушди. Тез орада у "Реал Мадрид" ярим ҳимоячиси Аурелиен Тчуаменига нисбатан қоида бузди. Ҳакам испаниялик футболчига сариқ карточка кўрсатди. ВАР кўрсатмасидан сўнг Бускетс монитор олдига бориб, такрорий лавҳани ўрганиб чиқди ва 48-дақиқада Ромерога қизил карточка кўрсатди.