"Барселона" ярим ҳимоячиси Педри жорий мавсумда нима эвазига муваффақиятга эришганини айтди.

Авваллари хавбек мунтазам равишда жароҳатлардан азият чекиб келган бўлса, жорий мавсумда "кўк-анорранглилар" сафида барча мусобақаларда 58 та ўйинда майдонга тушиб, 6 та гол ва 8 та голли узатмага муаллифлик қилди.

"Жисмоний тайёргарлик - муваффақиятимнинг асосий омилими? Ҳа, мен шундай деб ўйлайман. Бу менинг жисмоний ҳолатим бўйича энг яхши мавсумларимдан бири ва бунинг учун биз билан ишлаган фитнес мураббийлари, шунингдек, шифокорлар ва ҳар доим ёнимда бўлган ва менга ёрдам берган бошқалардан миннатдорман. Бу инсонларнинг саъй-ҳаракатлари кўпинча эътибордан четда қолади, бироқ айнан уларнинг ажойиб меҳнати туфайли мен барқарорликни сақлаб қола олдим," - дея 22 ёшли футболчининг сўзларини келтиради испан ОАВ.