Суперлиганинг 10-тур баҳсида Виталий Левченко бош мураббийлигидаги "Нефтчи" жамоаси турнир жадвалида 22 очко билан карвонбошилик қилиб келаётган Олмалиқнинг ОКМК клуби меҳмони бўлади. Бу баҳс Суперлигада 10-турни якунлаб берувчи, турнир якка пешқадамини аниқловчи муҳим ва мафтункор беллашув бўлади.
ОКМК ҳақида
ОКМК футбол клуби 2004 йилда Олмалиқ кон-металлургия комбинати қошида ташкил этилган. Ушбу клуб 2008 йилдан бошлаб Ўзбекистон чемпионатининг Олий дивизионида иштирок этиб келмоқда. Ўзаро ўйинлар статистикасига назар ташласак, ОКМК билан "Нефтчи" футбол клуби миллий чемпионатимиз доирасида жами 30 марта рақобатлашган бўлиб, мазкур беллашувларда 8 марта ОКМК, 14 тасида эса "Нефтчи" устунлик қилган. 8 та ўйинда жамоалар муроса кўчасини танлашган. Умумий тўплар нисбати 39-51, фарғоналиклар фойдасига. Ўзаро ўйинларда ОКМКнинг энг йирик ғалабаси 3:0, "Нефтчи"нинг энг йирик ғалабаси 4:0 билан якун топган.
Олмалиқда қайд этилган охирги 5 учрашув натижалари қуйидагича:
28.10.2024. ОКМК - "Нефтчи" 1:2
26.08.2023. ОКМК - "Нефтчи" 1:1
27.05.2022. ОКМК - "Нефтчи" 3:1
15.09.2018. ОКМК - "Нефтчи" 0:1
30.09.2017. ОКМК - "Нефтчи" 1:2
Эслатиб ўтамиз, 19 май душанба куни Олмалиқда кечадиган ОКМК - "Нефтчи" учрашувини Тимур Тўхтасинов бошчилигидаги ҳакамлар гуруҳи бошқариб боради. Беллашув соат 20:00 да бошланади.
