"Севилья" мураббийи "Реал"га қарши ўйинда ҳакамлар футболни бузаётганини айтди.

"Севилья" ўз майдонида Ла Лиганинг 37-турида "Мадрид"га ютқазиб қўйди (0:2).

Учрашувнинг 12-дақиқасида "қаймоқранглилар" форварди Килиан Мбаппе дарвозабон билан бирга-бир вазиятга чиқиб бориши мумкин эди, бироқ ҳимоячи Лоик Баде сўнгги умид фолини амалга оширди. Бош ҳакам Матео Бускетс VAR'да офсайд бор-йўқлигини текширгач, Бадени тўғридан-тўғри қизил карточка билан жазолади.

Ҳакамлар текшируви вақтида Хоакин Капаррос "Севилья" мураббийлар ўриндиғида такрорий лавҳани ўрганиб чиқишга улгурди. Шундан сўнг у ҳакамларни танқид қилди.

"Сизлар футболни бузяпсизлар, бу футбол эмас," - деб қичқирди мезбонлар устози лайнсменга, дея хабар бермоқда Movistar мухбири Эду Агирре.