34 ёшли форвард Антуан Гризманн жорий мавсум якунида Мадриднинг "Атлетико" клубини тарк этишга яқин турибди. Бу ҳақда Todofichajes портали саҳифаларида маълум қилинди.

Манбага кўра, французнинг янги манзили МЛС бўлади. Ҳужумчи ҳамюртлари Оливье Жиру ва Уго Льорис тўп тепаётган "Лос-Анжелес" клубига ўтиши мумкин. Битимни ёзги трансфер ойнасида расмийлаштириш режалаштирилган.

Гризманн ва "матрасчилар" ўртасидаги амалдаги шартнома 2026 йилнинг июнь ойи охирида ўз ниҳоясига етади. Transfermarkt портали Антуаннинг бозор нархини 22 миллион еврога баҳоламоқда.