"Барселона" бош мураббийи Ханс-Дитер Флик Ла Лига 37-туридан ўрин олган "Вильярреал"га (2:3) қарши ўйиндаги мағлубият ҳақида гапирди.
Учрашув "кўк-анорранглилар" учун аҳамиятга эга эмасди - жамоа аллақачон чемпионликни кафолатлаганди. Учрашув якунлангач, каталонияликларга кубок топширилди.
"Бугун байрам куни, мени мағлубият қизиқтирмайди. Пайшанба куни чемпион бўлдик, жума куни эса ғалабани нишонладик. Мен ҳар доим баҳона изламаслик кераклигини айтаман, лекин бу сафар ундай эмас. Албатта, биз ғалаба қозонишни хоҳладик, аммо жамоа чарчади," - деди Флик ўйиндан кейин журналистлар билан суҳбатда.
