"Ливерпуль" ярим ҳимоячиси Алексис Макаллистер фаолиятини "Реал"да давом эттириши мумкин.
Football Insider нашрига маълум бўлишича, "Реал"нинг янги бош мураббийи Хаби Алонсо "Ливерпуль"даги танишларидан фойдаланиб, Макаллистер трансферини расмийлаштиришга уриниб кўрмоқчи.
Жорий мавсумда 26 ёшли аргентиналик футболчи барча мусобақаларда 49та ўйинда майдонга тушиб, 7 марта рақиблар дарвозасини ишғол қилди ва 6та ассистни ўз ҳисобига ёздириб қўйди.
Макаллистернинг "Ливерпуль" билан амалдаги келишуви 2028 йилгача мўлжалланган. Transfermarkt мутахассислари футболчининг нархини 90 млн еврога баҳоламоқда.
