Туриннинг “Ювентус” клуби бош мураббийи Игор Тудор Италия чемпионатининг 37-тури доирасидаги “Удинезе” устидан қозонилган ғалаба ҳақида ўз фикрлари билан ўртоқлашди. “Кекса синьора” 2:0 ҳисобида зафар қучди.
"Биз ажойиб, ҳақли ғалабага эришдик. Жамоа бу ўйинга яхши тайёргарлик кўрди. Йигитларни табриклайман. Венецияда охирги қадамни қўйиш қолди", - дейди мутахассис.
Бугунги кунга келиб "кекса синьора" 67 очко билан Италия чемпионати турнир жадвалида тўртинчи ўринни эгаллаб турибди. А Сериянинг сўнгги турида Тудор шогирдлари сафарда "Венеция" билан учрашади.
