Turinning “Yuventus” klubi bosh murabbiyi Igor Tudor Italiya chempionatining 37-turi doirasidagi “Udineze” ustidan qozonilgan g‘alaba haqida o‘z fikrlari bilan o‘rtoqlashdi. “Keksa sinyora” 2:0 hisobida zafar quchdi.
"Biz ajoyib, haqli g‘alabaga erishdik. Jamoa bu o‘yinga yaxshi tayyorgarlik ko‘rdi. Yigitlarni tabriklayman. Venesiyada oxirgi qadamni qo‘yish qoldi", - deydi mutaxassis.
Bugungi kunga kelib "keksa sinyora" 67 ochko bilan Italiya chempionati turnir jadvalida to‘rtinchi o‘rinni egallab turibdi. A Seriyaning so‘nggi turida Tudor shogirdlari safarda "Venesiya" bilan uchrashadi.
