Зарурат туғилганда, А Серия 2024/25 йилги мавсуми чемпионлиги учун "Олтин ўйин" 2025 йил 26 май куни ўтказилиши мумкин, дея хабар бермоқда La Gazzetta dello Sport.
Италия чемпионати А Сериянинг 2024/25 йилги мавсуми 38-тур ўйинлари тақвимига ойдинлик киритди.
2024/25 йилги мавсум якунларига кўра чемпионлик имкониятини сақлаб қолаётган ягона 2 жамоа - "Наполи" ва "Интер" ўз ўйинларини 23 май, жума куни ўтказади.
"Наполи" сўнгги турда "Кальяри"ни қабул қилса, "Интер" сафарда "Комо" билан куч синашади. Иккала ўйин ҳам бир вақтда - 23.45 да бошланади.
La Gazzetta dello Sport хабарига кўра, "Наполи" ва "Интер" ўртасида "Олтин ўйин" ўтказиш зарурати туғилса, у 26 май куни бўлиб ўтади.
Эслатиб ўтамиз, уни ўтказиш чемпионликка даъвогар жамоалар ўртасида очколар тенг бўлган тақдирда мусобақа регламентида назарда тутилган.
Агар "Наполи" сўнгги турда "Кальяри"га ютқазса, "Комо" ва "Интер" дуранг ўйнаса, шундай бўлиши мумкин.
Ҳозирда "партенопейликлар" А Серия турнир жадвалида миланликларни 1 очкога ортда қолдирмоқда.
