Zarurat tug‘ilganda, A Seriya 2024/25 yilgi mavsumi chempionligi uchun "Oltin o‘yin" 2025 yil 26 may kuni o‘tkazilishi mumkin, deya xabar bermoqda La Gazzetta dello Sport.
Italiya chempionati A Seriyaning 2024/25 yilgi mavsumi 38-tur o‘yinlari taqvimiga oydinlik kiritdi.
2024/25 yilgi mavsum yakunlariga ko‘ra chempionlik imkoniyatini saqlab qolayotgan yagona 2 jamoa - "Napoli" va "Inter" o‘z o‘yinlarini 23 may, juma kuni o‘tkazadi.
"Napoli" so‘nggi turda "Kalyari"ni qabul qilsa, "Inter" safarda "Komo" bilan kuch sinashadi. Ikkala o‘yin ham bir vaqtda - 23.45 da boshlanadi.
La Gazzetta dello Sport xabariga ko‘ra, "Napoli" va "Inter" o‘rtasida "Oltin o‘yin" o‘tkazish zarurati tug‘ilsa, u 26 may kuni bo‘lib o‘tadi.
Eslatib o‘tamiz, uni o‘tkazish chempionlikka da’vogar jamoalar o‘rtasida ochkolar teng bo‘lgan taqdirda musobaqa reglamentida nazarda tutilgan.
Agar "Napoli" so‘nggi turda "Kalyari"ga yutqazsa, "Komo" va "Inter" durang o‘ynasa, shunday bo‘lishi mumkin.
Hozirda "partenopeyliklar" A Seriya turnir jadvalida milanliklarni 1 ochkoga ortda qoldirmoqda.
