"Байер"нинг ҳужумкор ярим ҳимоячиси Флориан Вирц учун трансфер бозори қизимоқда.
22 ёшли футболчига кўплаб топ-клублар, хусусан, "Бавария", "Реал" ва "Ливерпуль" қизиқиш билдирмоқда.
Вирцга "Манчестер Сити" ҳам қизиқиш билдирганди, аммо инглиз клуби футболчи учун рақобат қилишдан бош тортди.
BBC Sport хабарига кўра, "Сити" Вирцни шартноманинг нархи жуда юқори бўлгани учун рад этган. Флорианни қўлга киритиш учун нафақат трансфер нархи, балки шартнома бўйича маош ҳам ҳисобга олинса, 300 миллион евро атрофида бўлади.
