"Ривер Плейт" клуби ярим ҳимоячиси Франко Мастантуоно фаолиятини давом эттириш учун маъқул бўлган жойни аниқлаб олди.
17 ёшли футболчи учун Европанинг топ-клублари анчадан бери кураш олиб бормоқда. El Nacional нашри тарқатган хабарга кўра, Мастантуоно Англиянинг "Манчестер Юнайтед" ва "Челси" клубларига ўтишдан воз кечади, чунки у "Барселона" ёки Мадриднинг "Реал" клубига ўтиш вариантини маъқул кўради.
Transfermarkt портали ҳужумкор ярим ҳимоячининг нархини 15 млн еврога баҳоламоқда, шартномада кўрсатилган товон пули эса 45 млн евро атрофида.
