Сплитнинг "Хайдук" клуби 37 ёшли ярим ҳимоячиси Иван Ракитич футболчилик фаолиятини якунлашга қарор қилди. Бу ҳақдаги маълумотлар Хорватия оммавий ахборот воситаларида, хусусан, Jutarnji.hr сайтида пайдо бўлди.
Ракитич профессионал даражадаги сўнгги ўйинини 24 май куни "Шибеник"га қарши ўтказиши айтилмоқда. Якшанба куни "Риека"га қарши кечган ўйинда Ракитич иккинчи бўлимда захирага олинди ва у ўриндиққа ўтирар экан, кўз ёшларини тия олмади.
Ракитич фаолияти давомида Испаниянинг "Севилья" ва "Барселона" клублари ҳамда Хорватия терма жамоаси ярим ҳимоячиси сифатида шуҳрат қозонган. Иван "Хайдук"га 2024 йилда, жорий мавсум бошланишидан олдин келган.
