Англия Премьер-Лигаси 37-тури доирасида "Ливерпуль" "Брайтон"га мағлуб бўлди (2:3). Шу тариқа, "қизиллар" муддатидан аввал чемпионликни расмийлаштирган клублар орасида АПЛ антирекордини қайд этди. Бу ҳақда Opta Sport хабар бермоқда.
Манбага кўра, "Ливерпуль" муддатидан аввал расмийлаштирилган чемпионликдан сўнг Англия чемпионатининг учта ўйинида ҳам ғалаба қозона олмаган лигадаги биринчи жамоага айланди. Аввалроқ мерсисайдликлар "Арсенал" билан дуранг ўйнаган (2:2), шунингдек, "Челси"га қарши баҳсда мағлубиятга учраганди (1:3).
Эслатиб ўтамиз, АПЛнинг сўнгги туридан олдин "Ливерпуль" ҳисобида 83 очко бор. Иккинчи ўриндаги "Арсенал" ҳисобидаги очколар сони 71 тага етди. Кейинги учрашувда Арне Слот шогирдлари ўз майдонида "Кристал Пэлас"ни қабул қилади.
