"Манчестер Юнайтед"нинг собиқ бош мураббийи Эрик тен Хаг "Аякс"га қайтмайди. Бу ҳақда ESPN журналисти Кристиан Вилларт хабар бермоқда.

Франческо Фариоли амстердамликлар бош мураббийлигидан кетди, клуб унга ўринбосар қидирмоқда. Аввалроқ, Амстердам клуби техник директори Алекс Круз жамоанинг собиқ мураббийи билан музокаралар ўтказганини тасдиқлаган ва бу суҳбат қандай якун топганига аниқлик киритмаган эди. Манбага кўра, тен Хан рад жавобини берган.

"Аякс" муқобил вариантларни ҳам кўриб чиқмоқда: "Гоу Эхед Иглс"дан Паул Симонис ва Нидерландия ёшлар терма жамоасидан Михаэль Рейзигер.

Амстердам клуби чемпионликни қўлдан чиқарди, бу мавсумда ушбу унвонни ПСВ қўлга киритди.