"Manchester Yunayted"ning sobiq bosh murabbiyi Erik ten Xag "Ayaks"ga qaytmaydi. Bu haqda ESPN jurnalisti Kristian Villart xabar bermoqda.
Franchesko Farioli amsterdamliklar bosh murabbiyligidan ketdi, klub unga o‘rinbosar qidirmoqda. Avvalroq, Amsterdam klubi texnik direktori Aleks Kruz jamoaning sobiq murabbiyi bilan muzokaralar o‘tkazganini tasdiqlagan va bu suhbat qanday yakun topganiga aniqlik kiritmagan edi. Manbaga ko‘ra, ten Xan rad javobini bergan.
"Ayaks" muqobil variantlarni ham ko‘rib chiqmoqda: "Gou Exed Igls"dan Paul Simonis va Niderlandiya yoshlar terma jamoasidan Mixael Reyziger.
Amsterdam klubi chempionlikni qo‘ldan chiqardi, bu mavsumda ushbu unvonni PSV qo‘lga kiritdi.













