Хорватиялик таниқли ярим ҳимоячи Иван Ракитич жорий мавсум якунида фаолиятини якунлаши ҳақидаги маълумотларга жавоб қайтарди.
Бу ҳақда футболчи "Инстаграм"даги саҳфидаси маълум қилди.
"Хабарларингиз учун ташаккур. Ҳиссиётлар футболнинг бир қисми, аммо мен ҳеч қандай қарор ёки расмий эълон қилганим йўқ.
Бутсларимни михга илиб қўйгунимча ҳали қиладиган ишлар бор", - деди Ракитич.
37 ёшли фахрий ўтган ёздан бери "Хайдук"да ўйнаб келмоқда. Ракитич 2011-2024 йиллар оралиғида "Севилья" ва "Барселона"даги ўйинлари билан танилган. У "Базел", "Шальке" ва "Ал-Шабаб" клубларида ҳам ўйнаган.
2007 йилдан 2019 йилгача у Хорватия терма жамоаси сафида 106 та ўйин ўтказиб, 15 та гол урди ва бу билан ЖЧ-2018 кумуш медалини қўлга киритди. 2016 йилда у "Барселона" билан Чемпионлар лигасида ғолиб чиқди.
