ПСВ ҳимоячиси Оливье Боскальи "Брайтон"га ўтмоқда.

"Чайкалар" франциялик 27 ёшли марказий ҳимоячини эркин агент сифатида трансфер қилишга келишиб олди.

Оливье 1 июль куни ПСВ билан шартнома муддати тугагач, АПЛ клубига ўтади. "Брайтон" ўтган ёзда уни ўз сафига қўшиб олишга уринган, аммо келишувга эриша олмаган эди.

Боскальи 2019 йилдан бери ПСВ шарафини ҳимоя қилмоқда. У клуб билан 6 та совринни қўлга киритган - икки мартадан Нидерландия чемпионати, кубоги ва суперкубоги.

Бу мавсумда футболчи Эредивизияда 30 та ўйинда 1 та гол урди, 6та голга ассистентлик қилди ва 2 та сариқ карточка олди.