АПЛда ҳеч ким Кевин де Брюйнечалик шерикларига кўпроқ вазият ярата олмаган.
Бельгиялик 33 ёшли ярим ҳимоячи "Манчестер Сити" сафидаги сўнгги уй учрашувини 37-турда "Борнмут"га қарши (3:1) ўтказди. Мавсум якунлангач, Кевин 11 йил фаолият олиб борган ва 16 та совринни қўлга киритган клубини тарк этади.
Де Брюйне Премьер-лигада "Сити"даги шериклари учун 846 та вазият яратди (бугун - иккита) - бу Opta статистикаси йиғилганидан бери рекорд. "Арсенал" ва "Челси"нинг собиқ ярим ҳимоячиси Франсеск Фабрегас ҳам худди шундай натижа қайд этган.
"Ливерпуль"нинг собиқ сардори Стивен Жеррард шерикларига 828та, "Челси"нинг собиқ сардори Фрэнк Лэмпард 802та, "Сити"нинг собиқ ярим ҳимоячиси Давид Силва 793та вазият яратган.
