"Реал"нинг янги бош мураббийи Хаби Алонсо жамоада ўзи учун одатий бўлган тактик схемани мажбурий тарзда жорий қилмайди.
Испаниялик мутахассис ўзининг тактик мослашувчанлиги билан машҳур, аммо "Байер"да у кўпинча учта марказий ҳимоячи ва қанот ҳимоячилари схемасидан фойдаланган. Diario AS нашри тарқатган хабарга кўра, Алонсо "Реал"да катта эҳтимол билан 4 ҳимоячили тизимга таянади. Тахминларга кўра, "қаймоқранглилар"нинг асосий схемаси 4-4-2 бўлиб, ярим ҳимоянинг чап қанотида Жуд Беллингем, ҳужумчилар жуфтлигини эса Килиан Мбаппе ва Винисиус Жуниор ташкил этади.
