"Real"ning yangi bosh murabbiyi Xabi Alonso jamoada o‘zi uchun odatiy bo‘lgan taktik sxemani majburiy tarzda joriy qilmaydi.
Ispaniyalik mutaxassis o‘zining taktik moslashuvchanligi bilan mashhur, ammo "Bayer"da u ko‘pincha uchta markaziy himoyachi va qanot himoyachilari sxemasidan foydalangan. Diario AS nashri tarqatgan xabarga ko‘ra, Alonso "Real"da katta ehtimol bilan 4 himoyachili tizimga tayanadi. Taxminlarga ko‘ra, "qaymoqranglilar"ning asosiy sxemasi 4-4-2 bo‘lib, yarim himoyaning chap qanotida Jud Bellingem, hujumchilar juftligini esa Kilian Mbappe va Vinisius Junior tashkil etadi.
