"Манчестер Сити" етакчиси Хосеп Гвардиола жамоа таркибида ўзгаришлар бўлишига умид қилмоқда.
Испаниялик мутахассиснинг фикрича, ҳозир унинг ихтиёрида жуда кўп футболчилар бор.
"Мен клубга бу менга керак эмаслигини айтдим. Менга захирадан ташқарида беш-олтита ўйинчи керак эмас. Мен буни истамайман, мен кетаман! Агар улар таркибни қисқартиришмаса, мен қолмайман. Ҳозир шундай бўляпти, чунки биз тўртта янги футболчини имзоладик. Бунгача биз 11 кишини бошланғич таркибга жалб қила олмасдик - ҳимоячиларимиз йўқ эди. Энди жароҳатдагилар қайтиб келди.
Бу кейинги мавсумда давом этиши мумкин эмас. 24 футболчига мураббийлик қила олмайман. Бундай бўлмайди. Клубга бундай ишлашни истамаслигимни айтдим," - дея Гвардиоланинг сўзларини келтиради City Report.
