"Барселона"нинг собиқ футболчиси Роналдиньо ўтган мавсум охирида "Реал" ҳужумчиси Винисиус Жуниор "Олтин тўп"ни олмаганини адолатсизлик деб ҳисоблайсизми, деган саволга жавоб берди.
"Ҳа, чунки у кўп йиллардан буён энг жиддий мусобақаларда ғалаба қозониб, ҳал қилувчи голлар урмоқда. Менимча, у "Олтин тўп"га лойиқ эди", - дея Роналдиньо сўзларини келтиради Marca.
Эслатиб ўтамиз, ўтган мавсумда "Манчестер Сити" ярим ҳимоячиси Родри Эрнандес "Олтин тўп"ни қўлга киритган эди.
Жорий мавсумда 24 ёшли Винисиус барча турнирларда 50 та учрашувда қатнашиб, 20 та гол урди ва 16 та голли узатмани амалга оширди.
