Дуайт Йорк "МЮ"га Андре Онана ўрнига Эмилиано Мартинесни сотиб олишни маслаҳат беради.

Аввалроқ аргентиналик дарвозабон "Астон Вилла"ни тарк этишга яқин қолгани ҳақида хабар берилганди.

"Бу умуман кўриниб турибди. Эми Мартинес кўп йиллар давомида ҳақиқатдан ҳам ажойиб ўйинчи бўлиб келмоқда ва нима учун катта клублар уни хоҳлашини тушунса бўлади. Мен "Манчестер Юнайтед"ни назарда тутяпман. Биламан, улар қийналмоқда, лекин ҳозир ҳам бу ҳақда ўйлаш керак, чунки у жуда катта клуб.

У нафақат тажриба олиб келади, балки у фақат рақамларга таяниб, Андре Онанадан анча яхши дарвозабон.

Менимча, Онаннинг трансфери унчалик яхши чиқмади, ҳамма ундан яхши ҳаракат қилишини кутганди. Аммо, албатта, Мартинесни қўлга киритиш "МЮ" учун катта муваффақият бўлади" - деди "Манчестер Юнайтед"нинг собиқ форварди.