Дидье Дешам Ламин Ямални қандай тўхтатиш кераклиги ҳақидаги саволга жавоб берди.
Миллатлар лигасининг ярим финалида Франция ва Испания терма жамоалари тўқнаш келишади. Учрашув 5 июнь куни бўлиб ўтади.
"Ламин Ямалга қарши қанча жамоа ўйнаганини биласизми? Ҳақиқатан ҳам ечим топган жамоани кўрмадим. У рақиблардан узоқлашишга қодир - марказга ҳаракат қилиш орқали ёки тезликда. Бундай футболчилар билан муомала қилганда уларнинг таъсирини чеклаш керак.
У Испания терма жамоасида эътиборни қаратиш керак бўлган ягона одам эмас. Уильямс, Олмо, Мората, Торреслар бор, ярим ҳимоячилар... Бу ҳалигача тўпни назорат қила оладиган жамоа. Биз улар билан бу жиҳатдан курашмоқчимиз ва таслим бўлмаймиз...
Бу борада улар билан рақобатлаша олган жамоалар кам бўлса керак. Бу футболчиларнинг хусусиятларини ҳисобга олган ҳолда жуда узоқ вақтдан бери уларнинг асосий фазилатларидан бири бўлиб келган", - деди Франция терма жамоаси бош мураббийи.
