Европа лигаси финали бўлиб ўтди, Лондоннинг "Тоттенхэм" жамоаси "Манчестер Юнайтед"ни енгди.
Гарет Бэйл ўзининг собиқ жамоасининг муваффақиятидан баҳраманд бўлиб, у клуб мураббийи Анге Постекоглуни мақтади. Уэлслик футболчининг фикрича, мутахассиснинг жамоа билан келажаги катта.
"Бугун мен унинг Б режаси борлигини кўрдим. Постекоглу мураббий сифатида ўсиб бораётганини ва такомиллашаётганини, унинг жамоалари яхшироқ ҳимояланишни ўрганганини кўрдим. У бу ерда жуда кўп муваффақиятларга эришади деб ишонаман", - дейди Бэйл.
Анге Постекоглу Лондон клубини 2023 йилдан бери бошқариб келмоқда.
