Ҳужумчи Лаутаро Мартинес ва ярим ҳимоячи Давиде Фраттези Миланнинг "Интер" жамоасининг навбатдаги ўйинида иштирок этиши мумкин.
Жума куни "нерадзуррилар" А Серия сўнгги турида "Комо"га қарши ўйнайди - "Наполи" мағлуб бўлиб, "Интер" ғалаба қозонса, Симоне Индзаги жамоаси Скудеттони қўлга киритади. Sky Sport хабарига кўра, чоршанба куни Мартинес ва Фраттези умумий гуруҳда қисман юклама билан машғулот ўтказди. Иккаласи ҳам чемпионлик учун баҳсда майдонга тушиши мумкин, аммо асосий таркибда эмас. Эслатиб ўтамиз, ҳужумчи ва хавбек жароҳат туфайли аввалги икки учрашувда майдонга туша олмаган эди.
31 май куни "Интер" Чемпионлар Лигаси финалида "ПСЖ"га қарши майдонга тушади. Учрашув Мюнхенда бўлиб ўтади.
