Мадриднинг "Реал" клуби янги бош мураббийи Хаби Алонсо биринчи навбатда қайси муаммони ҳал қилиш билан шуғулланишини маълум қилди.
Испаниялик мутахассис жамоадаги доимий жароҳатларга чек қўймоқчи - бу унинг клубдаги фаолиятининг илк кунлариданоқ устувор вазифаси бўлади, дея хабар беради ESPN. Сўнгги мавсумларда "қаймоқранглилар" мунтазам равишда футболчиларнинг жароҳатлари туфайли кадрлар билан боғлиқ муаммолардан азият чекишди. Айниқса, ҳимоячилар тез-тез сафдан чиқди.
Хаби Алонсо "Реал"да июнь ойи бошида расман ўз вазифасини бажаришга киришади. У Ла Лига сўнгги туридан ўрин олган "Реал Сосьедад"га қарши ўйиндан кейин Бразилия терма жамоасига кетадиган Карло Анчелотти ўрнини эгаллайди.
