Мадриднинг "Реал" клуби ҳимоячиси Лукас Васкес жорий мавсум якунида "Реал"ни тарк этишга яқин турибди.

Todofichajes портали журналистларининг ёзишича, испаниялик тажрибали футболчида Европадан ташқарида фаолиятини давом эттириш вариантлари бор. Лукасга Саудия Арабистони ва Қатар чемпионатлари клублари қизиқиш билдирмоқда.

Эслатиб ўтамиз, 33 ёшли латерал "қироллик клуби" сафида 2015 йилнинг ёзидан буён тўп тепиб келмоқда. Томонлар ўртасидаги амалдаги шартнома муддати 2025 йил июнь ойи охирида тугайди. Transfermarkt портали ҳимоячининг бозор нархини 3,5 миллион еврога баҳоламоқда.