Дам олиш кунлари "Лестер" мавсумнинг сўнгги ўйинини сафарда "Борнмут"га қарши ўтказади. Бу ўйин Руд ван Нистелрой учун "тулкилар" бош мураббийи сифатидаги сўнгги ўйин бўлади. Бу ҳақда Sky Sports хабар бермоқда.
Шу билан бирга, таъкидланишича, "Лестер" ван Нистелрой кетганидан кейин жамоа бошқарувида ким бўлишини ҳали ҳал қилмаган. Асосий номзодлар Расселл Мартин ва Дэнни Ролл.
"Лестер" сўнгги тур олдидан Премьер-лига турнир жадвалида 18-ўринда бормоқда ва бир неча ҳафта олдин Чемпионшипга равона бўлганди.
Руд ван Нистелрой ўтган йилнинг декабрь ойи бошидан буён "Лестер"га устозлик қилиб келаётганди.
