"Малага" клуби ижрочи вице-президенти Моаяд Шатат ярим ҳимоячи Исконинг трансфери борасида бўлаётган гап-сўзларга ўз фикрини билдириб ўтди.
"Иско борасида музокаралар кетяпти. Бизга таклиф бўлгани рост ва биз трансфер нархини адолатли қилиб белгилашга ҳаракат қиляпмиз.
Иско - "Малага" учун жуда муҳим ўйинчи. Уни сотишга мажбур эмасмиз, айниқса паст нархда. Ва албатта буни қилмоқчи ҳам эмасмиз. Агар маъқул нарх таклиф қилишмаса, у жамоада қолади", дейди Шатат.
Эслатиб ўтамиз, Искога "Манчестер Сити" ва "Реал" қизиқмоқда. "Малага" эса уни 35 миллион евродан камига сотмоқчи эмас.