"Манчестер Сити" ярим ҳимоячиси Кевин де Брюйне мавсум якунлангач, клубни тарк этади. "Шаҳарликлар" сафидаги ўн йиллик фаолияти давомида бельгиялик футболчи кўплаб юлдуз жамоадошлари билан ўйнади. Жамоанинг энг яхши таянч ярим ҳимоячиси ҳақида сўралганида де Брюйне Родри ва Фернандиньо ўртасида танлов қилди.
"Улар ўртасидаги фарқ жуда кам. Эҳтимол, мен сўнгги бир неча йил ичида Родрини танлаган бўлардим, лекин илгари Фернандиньо ҳам ундан кам аҳамиятга эга эмасди. Родри "Олтин тўп"ни қўлга киритгани учун уни танласам керак," - дея де Брюйненинг сўзларини келтиради City Report.
