"Manchester Siti" yarim himoyachisi Kevin de Bryuyne mavsum yakunlangach, klubni tark etadi. "Shaharliklar" safidagi o‘n yillik faoliyati davomida belgiyalik futbolchi ko‘plab yulduz jamoadoshlari bilan o‘ynadi. Jamoaning eng yaxshi tayanch yarim himoyachisi haqida so‘ralganida de Bryuyne Rodri va Fernandinyo o‘rtasida tanlov qildi.
"Ular o‘rtasidagi farq juda kam. Ehtimol, men so‘nggi bir necha yil ichida Rodrini tanlagan bo‘lardim, lekin ilgari Fernandinyo ham undan kam ahamiyatga ega emasdi. Rodri "Oltin to‘p"ni qo‘lga kiritgani uchun uni tanlasam kerak," - deya de Bryuynening so‘zlarini keltiradi City Report.
