"Байер" ярим ҳимоячиси Флориан Вирц "Бавария" вакиллари билан учрашув ўтказади.
Томонлар жорий ҳафта охиригача потенциал ҳамкорликни муҳокама қилади, дейилади журналистлар Кристиан Фальк ва Тоби Альтшеффл ҳисоботида. Мюнхен клубининг фахрий президенти Ули Хёнесс ишни ўз қўлига олди ва трансферни талаб қилмоқда. "Бавария" 22 ёшли футболчи билан "Ливерпуль"дан олдинроқ келишиб олмоқчи.
Transfermarkt портали мутахассислари Флориан Виртцнинг нархини 140 млн еврога баҳоламоқда, матбуотда эса "Байер" ҳужумкор ярим ҳимоячини сотиш орқали 150 млн евро ишлаб олмоқчи экани ҳақида маълумотлар бор.
