Мадриднинг "Реал" клуби ярим ҳимоячиси Лука Модрич клубни тарк этишга тайёргарлик кўрмоқда.

Хавбек жорий мавсумда "қаймоқранглилар" сафида 56 та ўйинда майдонга тушди - бу Испанияга кўчиб ўтганидан бери футболчининг шахсий рекорди ҳисобланади. Бундан ташқари, Opta таъкидлаганидек, жорий мавсумда хорватиялик 13 та голли ҳаракатни (4+9) амалга оширди - бу футболчининг клубдаги фаолиятидаги иккинчи натижа (2021/22 йилги мавсумда 3+12).

Лука Модрич "Реал"га 2012 йилда "Тоттенхэм"дан кўчиб ўтган. Футболчи 13 йил давомида Мадрид гранди сафида 590 та ўйинда 43 та гол ва 95 та голли узатмани амалга оширган.