Мадриднинг "Реал" клуби жамоанинг бўлажак бош мураббийи Хаби Алонсонинг Лука Модрич бўйича сўровини қондирмади.
Испаниялик мураббий хорватиялик билан ишлашни хоҳлади ва клуб фахрий билан шартномани яна бир йилга узайтиришни талаб қилди, бироқ "қаймоқранглилар" босслари рад жавобини беришди, деб ёзади Diario AS. "Реал" ёш футболчиларга умид боғламоқчи. 39 ёшли хавбек эркин агентга айланади.
Лука Модрич "қироллик клуби"да 13 йил ўтказди. Юлдуз футболчи мадридликлар сафида барча мусобақаларда 590 та ўйинда майдонга тушиб, 43 та гол урган ва 95 та голли узатмани амалга оширган.
