"Манчестер Юнайтед" бош мураббийи Рубен Аморим Европа лигаси финалида мағлубиятга учраганига қарамай, истеъфога чиқарилиши хавфи остида эмас.
Ўтган оқшом "Тоттенхэм"га 0:1 ҳисобида мағлуб бўлганидан сўнг, Аморим ўз ишини ташлаб кетмаслигини, аммо клуб хоҳласа, товонсиз кетишга тайёрлигини айтди.
Аммо клубда бундай истак йўқ. Sky Sports нашри хабарига кўра, "Манчестер Юнайтед" ҳар доим Аморимнинг тайинланишига узоқ муддатли лойиҳа сифатида қараган ва битта ўйин Рубеннинг тақдирини ҳал қила олмайди.
Аморимни клуб тўлиқ қўллаб-қувватламоқда ва бу ёзги трансферлар билан тасдиқланади. Тўғри, "Манчестер Юнайтед"нинг бюджети финалда ғалаба қозонганидан анча паст бўлади.
"Манчестер Юнайтед" кийиниш хонаси ҳам Аморимни қўллаб-қувватлашда давом этмоқда. Бир қанча футболчилар, жумладан Люк Шоу ва сардор Бруну Фернандеш Рубен "қизил иблислар" учун тўғри одам эканлигига ишонч билдиришди.
