Бош мураббий Карло Анчелотти "Реал"дан Бразилия терма жамоасига ўтиши ҳақида гапирди. Италиялик мутахассисга энг муваффақиятли клубдан энг муваффақиятли терма жамоага ўтаётганини айтишди.
"Иккала ҳиссиёт ҳам жуда ёқимли. "Реал"га бошқа клуб учун хиёнат қилмаётганимдан, балки футбол тарихидаги энг катта тарихга эга миллий жамоага ўтаётганимдан жуда хурсандман. Улар беш карра жаҳон чемпиони. Бу жуда катта чақириқ, лекин менга бу имконият - Бразилия терма жамоаси билан жаҳон чемпионатига тайёргарлик кўриш имконияти ёқади. Бу кўплаб ҳис-туйғуларга эга ажойиб кунлар бўлади," - деди Анчелотти журналистларга.
Карло Анчелотти 26 май куни Бразилия терма жамоаси бош мураббийи сифатида иш бошлайди.
