"Байер" ҳимоячиси Жонатан Та "Бавария"га ўтиш бўйича келишувга эришди, дея хабар бермоқда инсайдер Фабрицио Романо.
Манбага кўра, 29 ёшли немиснинг шартномаси 2025 йилнинг ёзида якунига етади. Шу тариқа, у Мюнхен клубига эркин агент сифатида кўчиб ўтади. Шунга қарамай, томонлар клублар ўртасидаги жаҳон чемпионати бошланишидан олдин трансферни муҳокама қилмоқда. Турнир 15 июндан 13 июлгача АҚШда бўлиб ўтади.
У "Байер"да 2015 йилдан буён ўйнаб келаётганди. У клуб сафида 402 та ўйинда майдонга тушиб, 18 та гол урган ва 13 та голли узатмани амалга оширган.
