Мадриднинг "Реал" клуби бош мураббийи Карло Анчелотти клублар ўртасидаги жаҳон чемпионатидан сўнг жамоа ярим ҳимоячиси Лука Модричнинг кетишига изоҳ берди.
"Модрич чинакам ўзгача олтин авлоднинг сўнгги вакилларидан бири. Охиргиси Карвахал эди.
Клубга янги авлодни яратиш керак эмас, бу ерда узоқ вақтдан бери Камавинга, Родриго ёки Винисиус каби футболчилар бор. Мадридистлар ташвишланмаса керак, бу клуб доим энг юқори савияда бўлишни хоҳлайди.
Модричнинг бу ердаги даври, худди меники каби, тугади, биздан олдин эса Кроос, Каземиро, Криштиану, Бензема, Серхио Рамос, Касиляс бор эди... Лекин "Реал" дунёнинг энг катта клуби бўлиб қолмоқда", - деди Анчелотти.
“Реал” Модрични 2012 йилнинг ёзида “Тоттенхэм”дан 30 миллион евро эвазига сотиб олган эди. Унинг ҳисобида 590 та ўйинда 43 та гол ва 88 та голли узатма бор.
