"Ноттингем Форест" Sky Sports эксперти Гари Невиллни клубни танқид қилгани учун АПЛнинг 38-туридан ўрин олган "Челси"га қарши ўйинда "Сити Граунд" стадионига киришини тақиқлади.
"Ўрмончилар" Невиллни аккредитациядан ўтказишни рад этишди ва ўз қарорини "нохолис муносабат" ва экспертнинг жамоага нисбатан бир неча бор оммавий танқиди билан изоҳлашди.
"Иштирок этишдан бош тортишдан бошқа иложим йўқ эди. 14 йиллик фаолиятим давомида бунақаси бўлмаган. Буюк клуб шу даражага етганидан ҳафсалам пир бўлди," - дея Невиллнинг сўзларини келтиради Daily Mail.
Аввалроқ Невилл "Ноттингем Форест" хўжайини Эвангелос Маринакисни "Лестер"га (2:2) қарши ўйиндан кейин майдонга тушиб, мураббий билан тортишиб қолгани учун кескин танқид қилганди. Sky Sports экспертни қўллаб-қувватлади, бироқ кескин сўзлар учун клубдан узр сўради.
