"Манчестер Юнайтед" "Милан" ва Франция терма жамоаси дарвозабони Майк Меньянни ўз сафига қўшиб олиш масаласини фаол ўрганмоқда. Бу ҳақда таниқли инсайдер Николо Скира ўз ижтимоий тармоқларида маълум қилди.

Унинг маълумотига кўра, инглиз клуби 29 ёшли дарвозабоннинг ҳолати юзасидан расмий сўров юборган. "Қизил иблислар" сафида дарвоза чизиғида жиддий ўзгаришлар бўлиши истисно этилмаяпти - аввалроқ Андре Онана ва Алтай Байиндир шу ёздаёқ жамоани тарк этиши мумкинлиги хабар қилинганди.

Меньян мавсумни "россонерилар" сафида ўтказди ва барча мусобақаларда 52 та ўйин ўтказиб, 14 марта ўз дарвозаси дахлсизлигини сақлаб қолди. Унинг "Милан" билан шартномаси 2026 йилнинг ёзигача мўлжалланган бўлиб, трансфермаркт талқинига кўра, унинг трансфер нархи 25 млн еврога баҳоланмоқда.