"Ливерпуль" ҳужумчиси Муҳаммад Салоҳ икки марта АПЛда мавсумнинг энг яхши футболчиси деб топилган бешинчи футболчига айланди. Мисрлик вингер бу совринни 2018 йилда ҳам қўлга киритган эди.
Салоҳга қадар “Манчестер Сити” ярим ҳимоячиси Кевин Де Брюйне, “Манчестер Юнайтед” ҳимоячиси Неманья Видич, “қизил иблислар” вингери Криштиану Роналду ва “Арсенал” ҳужумчиси Тьерри Анри икки марта АПЛнинг энг яхши футболчиси деб топилганди.
2024/2025 йилги мавсумда 32 ёшли Салоҳ Англия Премьер-лигасининг 37 та учрашувида иштирок этиб, 28 та гол урди ва 18 та голли узатмани амалга оширди.
